كيف نتعلم اللغة الانجليزية بطريقه صحيحة و نحسن مستوانا..

نقاط عامة وهامة جداااااااااا:
1. ابدا ابدا ابدا ما تكتبو بالعربي على الكتاب
2.ابدا ابدا ابدا ما تحفظو الانجليزي حفظ وخاصة موضوعات التعبير
3.حسنو مستواكم في قواعد اللغة العربية( ما تستغربو)
4. وانتو بتدرسو الانجليزي فكرو بالانجليزي مو بالعربي( مو صعب كتير...انجليزي عربي بيمشي الحال)عشان لازم نفصل الانجليزي والعربي عشان نتعلم صح
الانجليزي ابسط و اسهل بكتيير واسهل الف مرة من العربي.

اولا : كيف نتعلم الكلمات الجديدة:

1.حاولو تعرفو معناها من الصورة او الجمله حتى لو قرأتو الجمله 5 مرات.
2.اذا كنتو في المستوى المتوسط حاولو تفسرو الكلمة او تجيبو معناها بالانجليزي.
3. لا تكتبو معناها بالعربي على الكتاب او في اي مكان اطلاقا اطلاقا
4.ابحثو عن معنى الكلمة في القاموس الورقي (المورد) ولا تستخدمو الناطق ابدا...حتسألو ليش و حقولكم انه في مثل بالانجليزي معناه الي بيجي بسرعه بيروح بسرعه و لما تجيبو المعنى بكبسة زر راح تنسوه ب 5 دقايق و كل مرة تشوفو الكلمة راح ترجعو تدورو عليها في القاموس الناطق بس لما تاخدو وقت وانتو بتدورو في القاموس الورقي ما راح تنسوها لأنكم تعبتو فيها (جربوها وقولولي)
5. بعد ما عرفنا معنى الكلمة مهم جدا نحطها في جمله بسيطة من الدرس او من عندكم عشان تتذكرو المعنى..راح يساعدكم عشان تفكرو بالانجليزي وانتو بتدرسو
6. اخر شي لازم نحفظ الاملاء للكلمات الجديدة
7.جهد اضافي حاولو تكتبو موضوع تعبير صغير وحطو الكلمات الجيديدة.

ثانيا: الجمل والقواعد:

1. ابدا ابدا لا تترجمو الجمل ترجمة حرفية لآنه تركيبة الجملةالعربية تختلف عن الجملة الانجليزية..(مثلا بالعربي بنبدأ بالفعل اما يالانجليزي بنبدأ بالفاعل او المفعول به)
2. بالنسبة للقواعد لا زم تنفهم بدون ما نترجمها للعبي لأنها تختلف عن العربي..ولا زم نفهمها
3. نكتب جمل من تعبينا الخاص مشابهه لأمثله الدرس حتى تترسخ القاعده
4. التدريب على القاعده مهم من خلال تمارين الكتاب او تمارين خارجيه
5. مهم جدا نكون حافظين الافعال و تصريفاتها كتابة و قراءة

ثالثا : التعبير:
1. ابدا ابدا ابدا ما تكتبو لموضوع بالعربي و بعدين تترجموه للانجليزي
2. حاولو تفكروا بالموضوع بالانجليزي و تكبو كل شي
3. استخدمو الكلمات المساعده في تكوين الجمل و غالبا عليكم بس تربطو الجمل ببعض
حاول دايما تكتبو مواضيع تعبير من عندكم وا ي شي ييجي على بالكم و اعرضوه على المدرسة
مو عيب لو كتبنا غلط لأنه بدون الغلط ما راح نتعلم
لا تستهينو بالغلط و تطنشو..عيدو الموضوع من الاول و اعرضوه مرة تانيه على المدرسة
ابدا ابدا لا تحفظو لاموضوع حفظ دايما حاولو تكتبو و اغلطو و صلحو الغلط

رابعا: المحادثة:
المحادثة مهمة جدا بس لازم نكون نعرف نكتب ونقرا صح عشان نتكلم صح
ادرسو الانجليزي بصوت مرتفع مع نفسك و على المرايا او بأي طريقة تفضليها
لما تتفرجو على المسلسل المفضل خلو اذنكم مع الصوت زي عينيكم الي على الترجمة
اول مرة يمكن ما تفهمو شي او ما تعرفو تفسرو ولا حرف بس مرة على مرة بتتحسنو
سجلو اغنيه اجنيبية او مقطع من الاخبار و اسمعوه اكتر من مرة و شوفو الفرق
اسمعو الانجليزي من اهله قدر المستطاع( التلفزيون ,الراديو)
اقرأو كتب خارجية حتى لو بدأتو بقصص الاطفال(اول قصة حتستخدمو القاموس عند كل كلمة بس بعدين حتصير شي عادي زي العربي)

انا شخصيا من تاني ثانوي بدأت اقرا روايات و صدقوني اول روايه اقرا سطر وادور في القاموس على المعاني بس الي بعديها لقيتها اسهل و هكذا...القراءة و السمع بيساعدكم تعرفو اذا الجملة صحيحه او لأ وما بتتغلبو مع القواعد ولا التعبير ابدا..وكمان بيساعدكم تنطقو صح

يارب ما اكون طولت عليكم

» دليلك الكامل لمهارات الإتصال فى اللغة الإنجليزية..